بيع وشراء الموبايلات .......بس لأهل سورية ....

[mido]

السلام عليكم ورحمة الله وبركاته ..................

كيفكم يا شباب انشالله بخير هاد القسم انا فاتحو مشان اذا حدا بدو

يبيع جهازو والتاني بدو يشتري هالجهاز يتفقو هون .....

مثلا : أحد الأعضاء بدو يبيع مثلا 6630 يحط شو مواصفاتو وكيف حالتو و شو بدو سعر فيه ...

الطرف التاني بشوف مواصفاتو كيف حالتو من يللي كاتبو الشخص الآخر وبيتفقو على السعر ....

وانا رح كون موجود بكل المعاملات وأعطي رأي والسعر المناسب (وذلك لامتللاكي على محل موبايل ومعرفتي بالأسعار )

وهذا الموضوع هدفه يبقى كل الأعضاء على تواصل دائم بسعر الأجهزة ومشان اذا حدا باع موبايلو أو اشترا موبايل من برا ما يكون مغدور.

واي استفسار حتى عن مواصفات او أسعار الموبايلات حطه هون وانا أكيد رح جاوبكم ....بإذن الله تعالى.....

[mido]

يلاا كل واحد بدو يبيع او يشتري ما يقصر ويحكي ...ناطركم .............

[Rami]

طيب انا بدي بيع موبايلي
بس بدي بالريال لأنو ما بستفيد شي هون بالسوري
من بيشتري ؟؟؟
معي الهامر

[mido]

طيب يا ئابو الريم ما تقول شو مواصفاتو شو حالتو مفكوك ولا ما مفكوك آكل قتل ولا لاء

انتي ونايم أي نوع رياضة بتلعب فيه يعمي مثلا أنا بلعلب كرة قدم فيه وأنا ونايم وكل شوطاتي غواااال هههه

يعني اشرحلو للبدو يشترو شو وضعو وانا بسعرلك ياه

[scorpion]

طيب انا بدي بيع n73

حالتو جيدة بس بدون كفالة يلا عالمزاد مين بيدفع اكتر

[mido]

طيب انا بدي بيع n73

حالتو جيدة بس بدون كفالة يلا عالمزاد مين بيدفع اكتر

أبو شريييييييييك قبل كلشي انا قايل لأهل سورية إنتا من أهل سورية على عيني وراصي بس كأني شايف انك ساكن بألمانيا

على كل حال إحكي مواصفات جهازك أنا ناوي اشتري هالجهاز بس اشرحلي اذا مفكوك ولا آكل قتل مثلا

وبركي بشتريه منك أنا او شي حدا بتعتلنا ياه على الميل ههههههه

يلاا ناطر حالتو كيف لسعرلك ياه كمان {e:} واحكمك بالسعر هههههه

[scorpion]

اول شي انا بسوريا و باللاذقية تحديداً و الغرفة عندي بسميها المانيا ماحدا الو علاقة فيني يعني مجنون ولما بكون قاعد على النت بكون بالمانيا

تاني شي الجهاز كتير نضيف و جديد تقريبا

وفي واحد بدو يبدلي هو على w810 ومابعرف شو بدي اخد فرق

ياريت تساعدني والسوني اريكسون بالكرتونة و معو البفلات الصغار بقا شو رايك

[mido]

اول شي انا بسوريا و باللاذقية تحديداً و الغرفة عندي بسميها المانيا ماحدا الو علاقة فيني يعني مجنون ولما بكون قاعد على النت بكون بالمانيا

تاني شي الجهاز كتير نضيف و جديد تقريبا

وفي واحد بدو يبدلي هو على w810 ومابعرف شو بدي اخد فرق

ياريت تساعدني والسوني اريكسون بالكرتونة و معو البفلات الصغار بقا شو رايك


أبو شريك هلأ لشفت ردك ليك اليوم بلليل أو بكرا الصبح بالكتير بجبلك أحسن سعر لجهازك كيف بكون وسعر جهاز السوني أريكسون

بس ليك ما تروحو منك للسوني أريكسون لانو شكلو لقطة ومدام معو البفلات الصغار معناتا أكيد اسا جديد وكويس

وقليل ما تلاقي سوني أريكسون نضيف وكويس

اليوم بلليل بتكون قائمة الأسعار عندك خليك على تواصل معي بهالموضوع ماشي .....

[scorpion]

اوكي حبيب قلبي انا ناطر جوابك

عنجد خجلان منك لانو عم عذبك معي

[Rami]

ميدو
الموبايل بدو سوفت وير من اكتر من اربع او خمس شهور وانا مطنش لاني ما بستعمل فيه شي غير المنبه والاتصال
حتى نغمة الرنين ما غيرتها من شهور وهي ماريا كيري .... أي غيف ماي أول هههههه
حلوة بالعربي
بس متل ما بتعرف الجلدة من ورا عالسريع بتروح وهدا زاعجني وطاعج منظر الموبايل
لهيك بدي اخلص منو
يالله بكم ؟؟
اذا بتعطيني شي 5000 ريال ... والله بسافر لعندك بأول طيارة وببيعك هو وبالسوري مو بالقطري اذا بدك

[shark]

يالطيف 5000 ريال مو حاسس حالك مغدور

عقرب شو شايفك عم تسأل عن الجهاز هون لك تعا والله مابتندم اذا مابدك هو بدي اعطية هو لاختى ببلاش لانها كتير بتحب السوني اريكسون

[mido]

ولله يا رامي حاسس جهازك شي دهب أو شي شغلة خيالية 50000 ريال بشتري فيهم سيارة شام هههههههههه

بس تجي على سوريةرح بعلك ياه بسعر يعجبك رووووح ما تزعل وبنأيلك جهاز على كيفك

[DelPiero77]

أبو الميد ... عندي Sony Ericsson W800 بدي بيعو ... ما معو كفالة و ما مفكوك و ما آكل قتل كتير يعني مخدوش عند زواياه ( كلّو من الجيبة ) و وقعتو مرة وحدة

شو بيسوى برأيك ؟؟؟ و شو بتنصحني جيب بدالو ؟؟ ( بس ما بدي w810 ولا k800 و ما كتير بحب النوكيا ) ( و حلها لهالمشكلة )

[scorpion]

والله يا ديلبييرو السوني اريكسون w810 روعة بس فيو علة وحدة صوتو ضعيف اما w800 صوتو جعاري

ومشان ال w800 الي معك شوبدك حقو لانو اخوي عم يدور على واحد

[mido]

ديلبيرو وعقرب بالنسبة لجهاز الـw800 بكرا بجبلكم سعرو المظبوط المستعمل وانشالله ما حدا بيزعل من الحكي لانو رح جيبو متل ما عم ينباع بالسوق

بس ياعقرب صوت الw 800 ابدا ما ضعيق بالنسبة لغيرو
بس بدون مقارنة من الـw810 لانو جهازك هو المطور عن w800 فلذلك اجباري بدو يكون أقوى بكتير

يا ديلبيرو ما فهمت بالظبط يعني ما تقبل اي نوع نوكيا أبدا ولا شو
وبالنسبة للسوني أريكسون يللي ذكرتهم شو بدك فيهم نصيحة لما تغير جهازك حاول تغير الشركة مشان تعرف جميع النواع وتنقي الأفضل لما تثبت على شي جهاز وتبقى مع الشركة نفسها بعدين

وبالنسبة لنصائحي من ناحية شو بدك تشتري ردي التاني رح حطلك فيه افضل الأجهزو يللي بنصحك فيها وأسعارها بس يتمنى تقلي شو ناوي تحط حد أقصى (عملة يعني )
وشو بدك ياه مستعمل ولا جديد

اذا مستعمل بدك لشفلك احسن واحد واذا جديد لقلك على احسن واحد واحسن سعر

وعلى فكرة اذا بدك جديد بجبلك يا بسعر الجملة من شركة مابكو نفسها لانو انا بتعامل معهم على اسم محلي يللي سكرتو

أنا ناطر ردك

[DelPiero77]

شكراً عاهتمامك ميدو

بالنسبة للنوكيا ماني رافضو ... يعني مثلاً الـ N73 عاجبني كتير ( و ممكن إدفع سعرو ... بس ما أكتر من هيك ) ... بعتقد إني رح غير الشركة متل ما قلتلي ... و كمان بدي جهاز جديد ما مستعمل

مرة تانية شكراً

[mido]

أوكي ابو الطروق بكرا بتكون عندك الليستا تعيت الأسعار والمواصفات للأجهزة يللي بهالأسعار ولما بدك منحمل حالنا ومنروح على الشركة لنشتري اي جهاز بدك ياه

[DelPiero77]

عراسي أبو الميد

[scorpion]

ميدو انا قلت انو ال W800 صوتو اقوى من الw810 والله مابعرف ليش من انو W810 احدث و فيو شغلات احلى

[mido]

ابو شريك عقرب أنا فهمت منك بالعكس وعلى معلوماتي انو باعكس الا اذا كان بفل الجهاز تبعك في وسخ أو آكل شي ضربة بس على الأغلب w810 أعلى من w800

طارق جمعتلك معلومات عن جهاز النوكيا N73 وطلع في منو 3 أنواع ورح فصلك عنو أكتر بس تكتمل المعلومات عنو وعن جهازك وسعرو مشان يضل كلشي كامل

مهلني لبكرا أو للشسبت بالكتير

[DelPiero77]

شكراً كتير

[onry89]

أخوي ميدو برأيك جهاز نوكيا 6680 مستعمل بحالة جيدة شو بيسوى تقريباً ؟؟؟؟ مليت من سما هالجهاز وبدي بيعو عطيني رأيك

[mido]

ديلبيرو سعر جهازك ما ثابت وكليوم عم ينزل ويطلع وكل محل عم يطلب شكل طول بالك وما تبيع هلا ليثبت السعر الا اذا صحلك بسعر ممتاز وقريب ع سعرو جديد

أما بالنسبة لأونري فجهازك اذا كان كتير كتير انضيف بيسوى بالـ 10000 هي اذا كان كتير نضيف اما اذا كان عادي نضافتو فبيسوى بالـ 9000

أما اذا كان مفكوك وتعبان فبيسوى بين 8000 والـ 7500 ونصيحة ما تبيعو وخليه عندك لانو قليل مين رح يشتروه اذا كان تعبان ورح
يضربولك بسعر هاد اذا كان تعبان

أي شي تاني أنا تحت أمركم

........ميدووووووووووووووووووووووووووووووووووو.... ..

[DelPiero77]

شكراً ميدو

جهازي ما في منّو جديد بقى ...

في محل عرض عليي يشتريه بـ 9000 ... بس المشكلة إنني متردد لأني ما قررت شو بدي جيب بعد ما بيعو

شكراً مرة تانية

[mido]

أبو شريك نصيحة أخوية حاول قدر الإمكان ما تبيعو لمحل لانو رح يبخسلك بسعرو كتير

اذا قدرت تبيعو لحدا غير المحلات أفضل بكتير وحاول انو تبيعو بسعر أكتر واذا ما قدرت فأمرك لألله لانو هيك سعرو قليل


بس العقرب أخو كان بدو يشتري واحد منو اتفقو انتا وياه وانا رح قللو للعقرب بس شوفو على الخط

[scorpion]

ياجماعة اخوي جاب w800 بسعر رائع

وقف علية 8400 ل س كامل مع غراضو كلهن بس بدون بفلات صغار

[mido]

ياجماعة اخوي جاب w800 بسعر رائع

وقف علية 8400 ل س كامل مع غراضو كلهن بس بدون بفلات صغار


واااااااااااااااااااااااااااو شو هاللقطة الرائعة عنجد شي خيالي ممتاز

ما قلتلكم انو سعرو كليوم شكل وما عم يثبت لانو مبارح سالت عنو قالولو مبيع سعرو بالـ 9500 ...10000

بقى سعر أكثر من خيالي وهيك لقطات تحسد عليها عقرب ههههه بس ما تخاف عيني باردة ههههه

[BLACK EAGLE]

أخوي ميدو عندي جهاز 6610 بدي بيعو بحالة متوسطة مش مفكوك
الجهاز فلندي وشكراً

[mido]

اانامافهمت بالظبط شو المطلوب

بس اذا كنت عم تسألني عن سعرو بكرا بلليل بكون عندك سعر لإلو

بس قللي شو بقيان من غراضو .....